आर्मी र एपीएफको गोल वर्षा
पुस २, काठमाडौं । आयोजक त्रिभुवन आर्मी क्लब र नेपाल एपिएफ क्लबले प्रधानसेनापति कप अन्तर्राष्ट्रिय महिला फुटबल प्रतियोगितामा गोल वर्षा गरेको छ ।
लगनखेल स्थित आर्मीको मैदानमा बुधबार भएको खेलमा आर्मीले सिक्किम युनाइटेडलाई १०–० गोलले हरायो । अर्को खेलमा एपिएफले प्रदेश नम्बर १ लाई ९–० गोलले पराजित गर्यो । आर्मीको जितमा रश्मी कुमारी घिसिङले चार गोल गरिन् ।
शर्मिला थापा र सपना लामाले दुई दुई तथा अन्जली वाइबा र दीप राईले एक एक गोल गरे । चार गोल गरेकी रश्मी प्लेयर अफ दी म्याच घोषित भइन् । यसैगरी एपिएफलाई जिताउन सावित्रा भण्डारीले चार गोल गरिन् ।
अनिता बस्नेतले ह्याट्रिक पूरा गर्दा अनु लामा र रेणुका नगरकोटीले एक एक गोल थपे । अनिता खेलको प्लेयर अफ दी म्याच भइन् ।
प्रतिक्रिया दिनुहोस
