प्रधानमन्त्रि निवास बालुटारको सर्वदलिय बैठक सकियो

फिल्को मिसन

जेठ १३,काठमाण्डौं

प्रधानमन्त्री निवास बालुवाटारमा मंगलवार साँझ ५ बसेको सर्वदलीय बैठक करिब ३ घण्टाको छलफल पछि सकिएको छ । बैठकमा प्रधानमन्त्री केपी शर्मा ओलीले देशको भौगोलिक अखण्डता, सीमा र राष्ट्रियताको विषयमा निशर्त राष्ट्रिय सहमति कायम गरेर अघि बढ्न सबै आग्रह गरेका छन् ।
अतिक्रमित भूभागसहितको नक्सा जारी गरेसँगै देखिएको समस्या वार्ता र कूटनीति पहलबाट समाधान गर्ने निष्कर्श निकालेको छ ।मंलगबार बसेको सर्वदलीय बैठकको प्रमुख एजेण्डा संविधान संशोधन थियो। भारतले हडपेको लिम्पियाधुरा, कालापानी र लिपुलेकलाई समेटेर सरकारले नयाँ नक्सा जारी गरिसकेपछि संविधान संशोधनलाई लिएर सर्वदलीय बैठक बसेको हो।
संविधान संशोधनका अन्य विषयहरूमा छलफल गर्दै जाने र निशान छापमा नक्सा परिवर्तनको विषयमा यसै अधिवेशनमा छिटो निर्णय गर्नुपर्ने आवश्यकताप्रति बैठकमा सहभागी नेताहरुसँग प्रधानमन्त्री ओलीले विशेष अनुरोध गरेको प्रधानमन्त्रीका प्रेस सल्लाहकार सुर्य थापाले जानकारी दिए ।
सरकारले जारी गरेको नक्सालाई वैधानिकता दिन संसदमा संविधान संशोधन प्रस्ताव दर्ता भएपछि सर्वदलीय बैठक बसेको हो। उक्त बैठकमा संविधान संशोधनसम्बन्धी एक बुँदे एजेण्डामा छलफल भएको परराष्ट्रमन्त्री प्रदीप ज्ञवालीले जानकारी दिए।

प्रतिक्रिया दिनुहोस