निगमको जहाज उडान शुरु,२६५ यात्रु बोकर जापान उड्दै

जेठ २७ गते, काठमाण्डौ
नेपाल नागरिक उड्ययन प्राधिकरणले चार्टर उडान नगर्न सूचना जारी गरेपनि सो सूचनाको उलंघन गरि यात्रु बोक्न शुरु गरेको छ । मंगलबार फेरि नेपाल वायुसेवा निगमको विमान जापान उड्न लागेको छ । निगम स्रोतका अनुसार २६५ यात्रु बोकेर निगमको वाइडबडी विमान जापानको नारिता उड्न लागेको छ ।
टिकटमा चर्को भाडा शुल्क असुलेर चार्टर फ्लाइट गरेको भन्ने गुनासो आएपछि प्राधिकरणले उडान गर्न रोक लगाएको थियो । तर प्राधिकरणको सूचनालाई एकातिर पन्छाउँदै चार्टर उडान हुने क्रम रोकिएको छैन ।
मंगलबार राति ९ बजेका लागि उडान तालिका तय भएको भएपनि उडानले अनुमति भने पाइनसकेको निगम स्रोतले जनाएको छ ।