कर्णाली प्रदेशका सांसदमा पनि देखियो कोरोना संक्रमण

फिल्को मिसन

मगलवार, ३० असार, २०७७
सुर्खेत । कर्णाली प्रदेश सभाका एक सदस्यलाई कोरोना संक्रमण पुष्टि भएको छ। विपक्षी दल नेपाली कांग्रेसका सांसद लाई पनि कोरोना संक्रमण पुष्टि भएको सामाजिक विकास मन्त्रालयले बताएको छ । दुई दिन अघि गरिएको स्वाव परीक्षणमा ति नेतालाई कोरोना पुष्टी भएको कर्णाली प्रदेश स्वास्थ्य सेवा महाशाखाका प्रमुख डा. लक्ष्मीनारायण तिवारीले जानकारी दिए ।
बजेट अधिवेशन देखि संदीय समिति गठनमा समेत निकै व्यस्त देखिएका प्रदेश सभा सदस्यलाई कोरोना पुष्टी भएपछि उनको सम्पर्कमा आएका व्यक्तिको कारोना परीक्षण गरिने डा. तिवारीले जानकारी दिए ।
प्रदेश सभा सदस्यमै कोरोना भाइरसको संक्रमण देखिएपछि प्रदेशसभा सदस्य तथा सचिवालयमा त्रास छाएको छ । संसदीय समितिका बिभिन्न बैठकमा जाने आउने गरेका प्रदेश संसद बैठकमा उपस्थित हुने गरेपछि सबैतिर ञास छाएको छ । नेपालमा कोरोना संक्रमण भएका संम्भवत कर्णाली प्रदेश सभा सदस्य नै पहिलो उच्च पदस्थ राजनीतिज्ञ हुन् ।प्रदेश सभाका सदस्यलाई संक्रमण पुष्टि भएपछि संसद बैठक अर्कोको सुचना नआउनेबेलासम्मका लागि स्थगित गरिएको छ।

प्रतिक्रिया दिनुहोस