भागरथीको बलात्कारपछि घाँटी थिचेर हत्या गराएको पुष्टि

२०७७ माघ,२६सोमबार
बैतडी ।मृत अवस्थामा भेटिएकी बैतडी दोगडाकेदार गाउँपालिका–७ चडेपानीकी १७ वर्षीया किशोरी भागरथी भट्टको पोष्टमार्टम रिपोर्ट जनाएको छ । बैतडी अस्पतालले जिल्ला प्रहरी कार्यालय बैतडीलाई सोमबार बुझाएको पोष्टमार्टम रिपोर्टमा भागरथीको बलात्कारपछि हत्या गरिएको बताएका छन ।प्रदेश प्रहरी कार्यालयका प्रमुख तथा प्रहरी नायब महानिरीक्षक (डीआईजी) उत्तम सुवेदीले भन्नुभयो, ‘पोस्टमार्टममा कज अफ डेथ बलात्कारपछि घाँटी थिचेको देखायो ।’ यसअघि घटनास्थलको प्रकृति हेर्दा पनि बलात्कारपछि हत्या भएको आशंका गरिएका छ ।
माघ २१ गते विद्यालय गएकी भागरथी साँझसम्म पनि घर नफर्केपछि खोजतलास गर्दै जाँदा माघ २२ गते घरनजिकैको लबलेक जंगलमा विभत्स र निर्वस्त्र रुपमा मृत अवस्थामा फेला परेकी थिइन् । भागरथीको शरिरका विभिन्न अंगमा निलडाम र चोटपटक, योनीबाट रगत बगेको र घाँटी समेत निमोठेको थियो।
बलात्कारपछि हत्या भएको पुष्टि भएसँगै प्रहरीले अपराधी पत्ता लगाउने कामलाई तीव्र बनाएको जनाएको छ।