कांग्रेस कार्यसमिति बैठक आज पनि बस्दै

२०७८ असार,४शुक्रबार
काठमाडौ । नेपाली कांग्रेसको केन्द्रीय कार्यसमिति बैठक आज पनि बस्ने भएको छ । हिजोबाट सुरु भएको बैठक आज पनि आगामी १४औँ महाधिवेशनका विषयमा छलफल रहने भएको पार्टी कार्यालयका मुख्य सचिव कृष्णप्रसाद पौडेलले बताए ।
हिजोको बैठकमा पार्टीको १४ औँ महाधिवेशन भदौ १६ देखि १९ गतेसम्म गर्नेगरी पदाधिकारी बैठकले गरेको निर्णयमा छलफल भएको थियो।
क्रियाशील सदस्यता छानबिन समितिका सदस्यहरुले क्रियाशील सदस्यताको प्रस्तावित विवरणमा भइरहेको कामबारे बैठकलाई जानकारी गराएको पार्टी कार्यालयका मुख्य सचिव पौडेलले जानकारी दिनुभयो । आजको बैठक दिउँसो १ बजे पार्टी केन्द्रीय कार्यालय सानेपामा बस्नेछ।