थप ३८४० जनामा कोरोना पुष्टि ३३ जनाको मृत्यु

२०७८ श्रावण,१३गते बुधबार
काठमाडौं । नेपालमा थप ३ हजार ८ सय ४० जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घन्टामा देशभर १५ हजार ८ सय ८ कोरोना परीक्षण गर्दा ३ हजार ८ सय ४० जनामा कोरोना भाइरसको सङ्क्रमण पुष्टि भएको छ ।  नेपालमा कोरोनाका कारण सङ्क्रमित हुनेको संख्या ७ लाख ८६ हजार ६ सय ५७ पुगेको छ । मन्त्रालयको नियमित कोरोना सम्बन्धी नियमित जानकारी दिने क्रममासह प्रवक्ता डा.समिर कुमार अधिकारीले नेपालमा पछिल्लो समय कोरोना सङ्क्रमणको दर बढ्दै गरेको भन्दै सबैलाई सचेत रहन आग्रह गर्नुभयो । आज देखिएको कोरोनाको प्रतिशत दर २४ दशमलव २ प्रतिशत रहेको बताउनुभयो ।
मन्त्रालयका अनुसार गत २४ घन्टामा १ हजार ९ सय ९३ जना कोरोना सङ्क्रमणमुक्त भएका छन् भने थप ३३ जनाको कोरोनाका कारण मृत्यु भएको छ । हाल देशभर सक्रिय सङ्क्रमितको संख्या २९ हजार ४ सय ४४ रहेको छ ।