आज थप २१ जनाको मृत्यु,१,६७७ जनामा संक्रमण पुष्टि

२०७८भाद्र,२२मंगलबार
काठमाडौँ । नेपालमा २४ घन्टाको अवधिमा १ हजार ६७७ जना कोरोना भाइरस संक्रमित थपिएका छन् भने २१ जनाको मृत्यु भएको छ ।
पछिल्लो २४ घन्टामा देशभर ११ हजार १११ आरटी पिसिआर र ३ हजार ९२३ एन्टिजेन गरी कुल १५ हजार ३४ जनामा परीक्षण गरिएकोमा १ हजार ६७७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले बताएको छ।
हाल देशभर ३० हजार ३सय ३ जना संक्रिय संक्रमित छन् । संक्रमितहरूमध्ये २८ हजार ३१४ जना होम आइसोलेसनमा, १ हजार ९८९ संस्थागत आइसोलेसनमा र २५८ जना क्वारेन्टिनमा रहेका छन् । यस्तै मुलुकभरका विभिन्न अस्पतलाको आइसियूमा ५१४ जना र भेन्टिलेटरमा १५४ जना उपचाररत छन् ।
मन्त्रालयका अनुसार मंगलबार देशभरबाट २ हजार ७२ जना कोरोना संक्रमणमुक्त भएर फर्किएका छन् । योसँगै कोरोना जितेर फर्कनेको संख्या ७ लाख ३१ हजार पुगेको छ । निको हुने दर ९४.७ प्रतिशत छ ।