कांग्रेसका महिला खुला केन्द्रीय सदस्यको नतिजा सार्वजनिक

पुस ५, २०७८,सोमबार
काठमाडौं । नेपाली कांग्रेसको १४ औं महाधिवेशन अन्तर्गत महिला खुला केन्द्रीय सदस्यको अन्तिम मत परिणाम सार्वजनिक भएको छ।
नेपाली काँग्रेसको केन्द्रीय सदस्य (महिला खुलातर्फ) मा ९ जनाका लागि केन्द्रीय सदस्य पदको लागि ३० जनाले प्रतिस्पर्धा गरेका विजय भएका केन्द्रीय सदस्यमा डिला संग्रौला, पुष्पा भुसाल, डा आरजु राणा देउवासहित ९ जना निर्वाचित भएका छन् । विजयी हुनेमा संग्रौला, भुसाल र देउवासहित अम्बिका बस्नेत, ईश्वरी न्यौपाने, सरिता प्रसाईं, रमा कोइराला पौडे, सुशीला आचार्य ढकाल र रंगमती शाही रहेका छन् । मत परिणामअनुसार संग्रौलाले सर्वाधिक २८८५ मत पाएकी छन् ।
उम्मेदवारहरू अनिता देवकोटा, जानुका ढकाल, उमा दाहाल, किरण कोइराला, रुक्मिणि देवी कोइराला, बिजुला शर्मा राणा, कल्पना अधिकारी, बासना थापा नम्रता बराल, सावित्री बोगटी (पाठक), अकला गुरुङ, धन खतिवडा, अम्बिका सुवेदी, तुलसा पन्त, सीतादेवी देवकोटा (पाण्डे), रीता दवाडी, उषाकुमारी राउत, शान्ति कार्की, गौरी कुमारी श्रेष्ठ, मोदती केसी र अम्बिका केसी लामिछाने पराजित हुनुभएको छ ।