एमाले अध्यक्ष ओलीले आज पत्रकार मार्फत धारणा सार्वजनिक गदैं
माघ ९,२०७८आइतबार
काठमाण्डौं । नेकपा एमालेका अध्यक्ष केपी शर्मा ओलीले पत्रकार सम्मेलन गर्ने भएका छन्।स्थानीय तह, प्रतिनिधि सभाको चुनाव लगायत समसामयिक राजनीतिक घटनाक्रमका बारेमा प्रमुख प्रतिपक्षी दल नेकपा एमालेले आज धारणा सार्वजनिक गर्ने भएको छ ।
यसका लागि आज दिउँसो १ बजे अध्यक्ष केपी शर्मा ओलीले पार्टी केन्द्रीय कार्यालयमा पत्रकार सम्मेलन गर्न लागेको पार्टी कार्यालय सचिव डा. भिष्म अधिकारीले बताए । उहाँका अनुसार चुनावका बारेमा सत्ताधारी दलबीच भइरहेका छलफल र एमालेलाई लगाइएका विभिन्न आरोपका बारेमा पनि अध्यक्ष ओलीले विचार राख्ने तयारी गर्नुभएको छ । ओली निकट नेताहरूका अनुसार भने वक्तव्य मात्रै सार्वजनिक गर्ने तयारी पनि भएको छ । सत्ताधारी दलहरूबीच पहिले स्थानीय तह वा प्रतिनिधि सभा कुन चुनाव गर्ने भन्ने बारेमा सहमति भइसकेको छैन । एमालेले भने स्वार्थपूर्ण ढङ्गले चुनावको मिति पछाडी धकेल्न खोजिएको आरोप लगाउँदै आएको छ ।
