स्थगित भएका १५ वडामा आज मतदान
४ जेष्ठ २०७९, बुधबार
काठमाडौं । यहि गएको बैशाख ३०गते शुक्रबारमा स्थानीय तहको निर्वाचन स्थगित भएका देशका विभिन्न १५ स्थानमा आज निर्वाचन हुँदैछ । बुधबार गण्डकी, कर्णाली र मधेशका विभिन्न स्थानमा मतदान हुन लागेको हो ।
तनहुँको व्यास नगरपालिका–४, हुम्लाको चंखेली गाउँपालिका–२, बाराको पचरौता नगरपालिका–२, श्रीनगर प्रावि र पचौतारा वडा नम्बर ४ मा आज मतदान हुनेछ ।
त्यस्तै, बुधबार नै रौतहटको देवी गोनाही नगरपालिका–१ र २, गढीमाई नगरपालिका–३ र ६, बौधिमाइ नगरपालिका–१, २, ९ र गरुडा नगरपालिका–७ मा निर्वाचन हुँदैछ । यी स्थानमा झडप र विवादका कारण शुक्रबार मतदान स्थगित गरिएको थियो ।
प्रतिक्रिया दिनुहोस
