भीरबाट खसेको ढुंगा लागेर एक पुरुषको मृत्यु

असार ७, २०८०
हुम्ला । नाम्खा गाउँपालिका– ३ केर्मिको च्याछहरा भीरबाट खसेको ढुंगा लागेर एक पुरुषको मृत्यु भएको छ सिमकोट गाउँपालिका–७ को चौगानफयाबाट च्याछरा जाँदै गरेका अन्दाजी ३५ वर्षीय बागमल शाहीको आइतबार भीरबाट खसेको ढुंगा लागेर मृत्यु भएको हुम्लाका प्रहरी नायब उपरीक्षक भीमलाल भट्टराईले बताए ।
च्याछहरामा डोजरले सडक बिस्तार गर्ने क्रममा खसेको ढुङ्गा लागेर सिमकोट गाउँपालिका वडा नम्वर ७ चौगनफयाका ३६ वर्षीय बागमल शाहीको निधन भएको छ ।
आइतबार विहान गाउँबाट नाम्खा गाउँपालिका वडा नम्वर ५ को हिल्सा बजार जाने क्रममा शाहीको ढुंगा लागेर मृयु भएको जिल्ला प्रहरी कार्यलयले बताएको छ ।
बाटोमा हिड्ने बटुवाको कुनै पनि वास्ता नगरि हिल्सा सिमकोट सडक खण्डको च्याछहरामा डोजरले सडकको खन्ने क्रममा विहना ९ बजे माथिबाट खसेको ढुंगा लाग्दा शाहीको घटना स्थलमा मृत्यु भएको जनाकोएको छ । मृतक शाहीसंग अन्य दुई जना साथीहरु रहेका भने कुनै चोटपटक नलागेको बताएको छ ।